TOShKENT, 16-iyun — Sputnik. O‘zbekiston delegatsiyasi BRIKS o‘yinlarida yana 6 ta medalga ega chiqdi, deya xabar berdi Milliy olimpiya qo‘mitasi.
Qozon shahrida BRIKS o‘yinlarining uchinchi kuni ortda qoldi. Unda O‘zbekiston delegatsiyasi 1 ta kumush va 5 ta bronza medallariga sazovor bo‘ldi.
Kumush medal: Malika Tagmatova, Luiza Islomova (akademik eshkak eshish, LW2x)
Bronza medal: Vacheslav Rudnev / Anna Vashchenko (sinxron suzish, mikst yo‘nalishida erkin dastur), Alisher Turdiyev, Davrjon Davronov, Dilshod Xudoyberdiyev, Fazliddin Karimov (akademik eshkak eshish, M4-), Shuhrat Namozov (karate, -84 kg), Islombek Ismatullayev (karate, +84 kg), Mohlaroyim Hakimjonova (karate, +68 kg).
Uchinchi kungi bellashuvlardan so‘ng delegatsiya 2 ta oltin, 7 ta kumush va 15 ta bronza medallaro bilan umumjamoa hisobida hamon Rossiya, Belarus va Xitoydan so‘ng to‘rtinchi o‘rinda ketmoqda.
Eslatib o‘tamiz, Qozondagi VI BRIKS o‘yinlari 12-23 iyun kunlari bo‘lib o‘tadi. Jami 90 ta jamoa ishtirok etayotgan mazkur nufuzli musobaqada O‘zbekiston delegatsiyasi 23 ta sport turida 249 nafar sportchi bilan ishtirok etmoqda.