TOShKENT, 12-iyun — Sputnik. YeOIIda yagona mehnat bozorini rivojlantirishda YeIKning vazifasi uni mehnat migrantlari uchun imkon qadar qulay qilishdan iborat. Bu haqda Yevroosiyo iqtisodiy komissiyasi iqtisod va moliya siyosati vaziri Baxit Sultonov Xalqaro migratsiya tashkiloti bosh direktori Emi Poup bilan bo‘lib o‘tgan muzokaralar chog‘ida ma’lum qildi.
Muzokaralar Xalqaro migratsiya tashkiloti Global tarmog‘ining axloqiy yollash siyosatini ilgari surish bo‘yicha II Xalqaro yig‘ilishi doirasida bo‘lib o‘tdi.
Tomonlar qo‘shma loyihalarni amalga oshirish rejasini, xususan, axloqiy yollash siyosatini ilgari surish bo‘yicha tashkilot Global tarmog‘ida Komissiyaning ishtiroki, shuningdek, malaka qiyoslash asosida ishchilarning kasbiy mahoratini tan olish sohasida yechimlarni ishlab chiqishda Xalqaro migratsiya tashkiloti tajribasidan foydalanish masalalarini muhokama qilishdi.
“Komissiyaning asosiy vazifalaridan biri yagona mehnat bozorini rivojlantirish va YeOIIda bandlik qulayligini yanada oshirish ustida ishlashdan iborat”, — dedi Baxit Sultonov.