TOShKENT, 1-iyun — Sputnik. Havo hujumidan mudofaa kuchlari Belgorod viloyati osmonida ikkita Ukraina dronini urib tushirdi, deb xabar berdi Rossiya Mudofaa vazirligi.
“Moskva vaqti bilan taxminan 10:45 da Kiyev rejimining Rossiya Federatsiyasi hududidagi obyektlarga samolyot tipidagi dron yordamida terrorchilik hujumi uyushtirishga urinishi to‘xtatildi”, — deyiladi xabarda.
Bungacha harbiy idora Moskva vaqti bilan taxminan 08:30 da Belgorod viloyati osmonida Ukrainaning ikkita droni yo‘q qilingani haqida xabar bergan edi. Bundan tashqari, gubernator Vacheslav Gladkovning so‘zlariga ko‘ra, tunda havo hujumidan mudofaa tizimlari viloyat markaziga yaqinlashganda havo nishonlarini urib tushirgan, hech kim jabrlanmagan.
Ukraina Qurolli kuchlari deyarli har kuni Rossiyaning markaziy va chegaradosh hududlarini o‘qqa tutmoqda, dronlardan zarbalar berib, diversiyalar amalga oshirmoqda.