TOShKENT, 20-may — Sputnik. Moskvada O‘zbekiston madaniyati kunlari boshlandi, deya xabar berdi Sputnik O‘zbekiston muxbiri.
Bugun “O‘zbekiston madaniyati kunlari”ning tantanali ochilish marosimi bo‘lib o‘tdi. Unda amaliy san’ati namunalari, o‘zbek musiqasi va adabiyoti taqdimot qilindi.
Shuningdek, "Nilufar" ansambli “O‘zbekiston yulduzlari”, “Sanamgina” raqslarini ijro etishdi, talabalar esa "O‘zbekiston gulzor", “Umid”, “Maftun bo‘ldim” kabi mashhur qo‘shiqlarni ijro etishdi.
Mustaqil Davlatlar Hamdo‘stligi Ijroiya qo‘mitasi nomidan MDH bosh kotibi o‘rinbosari Ilhom Ne’matov O‘zbekiston Respublikasi madaniyat kunlari ishtirokchilariga tabrik yo‘lladi. Ne’matovning qayd etishicha, madaniyat ikki tomonlama va ko‘p tomonlama munosabatlarni rivojlantirish va mustahkamlashda muhim omil hisoblanadi.
Madaniy muloqotda “Hamdo‘stlik davlatlarining madaniy poytaxtlari” Davlatlararo dasturining amalga oshirilishi yuqori samaradorlikni namoyon etmoqda. Bu yil dunyoning eng qadimiy shaharlaridan biri – O‘zbekiston Samarqandga “Madaniy poytaxt” yuksak maqomi berilgani ramziy ma’noga ega.
Moskva davlat lingvistika universitetida o‘tkazilayotgan O‘zbekiston madaniyati kunlari esa mazkur dastur doirasida rejalashtirilgan ko‘plab tadbirlarni uyg‘unlik bilan to‘ldiradi.
Ta’kidlanishicha, O‘zbekiston madaniyati kunlari doirasida o‘qituvchi va talabalar o‘zbek xalqining o‘ziga xos madaniyati, milliy an’ana va urf-odatlari haqidagi bilimlarini yanada chuqurlashtirish va kengaytirishda davom etadi.
Madaniyat kunlari 22,24 may kunlari Moskvdagi "Xalq xo‘jaligi yutuqlari ko‘rgazmasi" majmuasidagi (VDNX) "O‘zbekiston" pavilonida o‘zbek musiqali kechasi va Botir Zokirovga bag‘ishlangan film bilan davom etadi.