TOShKENT, 19-may — Sputnik. Namanganda 63-xalqaro “Gullar festivali” boshlandi. Bu haqda Namangan viloyati hokimligi xabar berdi.
Dastlab gullarga burkangan avtomobillar paradi shahar bo‘ylab harakatlandi. Turli xil retro mashinalar aholida katta qiziqish uyg‘otdi.
Zahiriddin Muhammad Bobur nomli madaniyat va istrohat bog‘i yonida festivalning rasmiy ochilish marosimi bo‘lib o‘tdi. Festivalni Namangan viloyati hokimi Shavkat Abdurazakov ochib berdi.
“O‘tgan yilgi festivalga 5 millionga yaqin kishi mehmon bo‘lib kelganidan. Bu yili esa 7 mln mehmon tashrifi kutilmoqda”, — deyiladi xabarda.
Eslatib o‘tamiz, 63-xalqaro “Gullar festivali” 19-maydan 23-iyuniga kunlari bo‘lib o‘tadi.