TOShKENT, 13-may — Sputnik. Qozog‘iston 2024-yilgi sug‘orish davrida O‘zbekistondan Do‘stlik kanali orqali 922 million kub metr suv oladi. Bu haqda O‘zbekiston, Qozog‘iston, Qirg‘iziston, Tojikiston, Turkmaniston vakillari ishtirok etgan Davlatlararo suv xo‘jaligini muvofiqlashtiruvchi komissiyasining 86-yig‘ilishida ma’lum qilindi.
Yig‘ilishda mavsumida Do‘stlik davlatlararo kanali orqali oqib o‘tadigan 922 million kub metr suvni Qozog‘istonga yetkazib berishga kelishildi.
Qozog‘iston 2024-yil sug‘orish davrida O‘zbekistondan "Dostik" kanali orqali 922 million kub metr suv oladi.
© Ministerstvo vodnix resursov i irrigatsii Respubliki Kazaxstan
Aytilishicha, Turkiston viloyatidagi Shardara suv omborida 4,8 milliard kub metr suv to‘plangan. Qozog‘iston janubidagi dalalarni sug‘orishda foydalaniladigan To‘qtagul suv omborida (Qirg‘iziston) 8 milliard kub metr suv yig‘ildi.
Shuningdek, yig‘ilishda Norin-Sirdaryo kaskadi suv omborlarini joriy yilning 30-sentabriga qadar foydalanishning prognoz jadvali tasdiqlandi. Qolaversa, Orolni qutqarish xalqaro jamg‘armasi doirasidagi ishlar muhokama qilindi.
Aytilishicha, “Markaziy Osiyo mamlakatlari o‘rtasida suv-energetika sohasidagi hamkorlik mexanizmini yaratish to‘g‘risida”gi shartnoma loyihasi ham ishlab chiqilmoqda.
“Hozirgi birinchi vazifamiz toshqin suvini yig‘ishdir. Biz uni Kaspiy dengizi, Balxash, Qamish-Samar ko‘llariga, Ulitov viloyatidan Qizilo‘rda viloyati ko‘llariga va boshqalarga jo‘natamiz. Lekin ayni paytda janubiy viloyatlarni suv bilan ta’minlash muhim ahamiyatga ega. Bu borada esa suv diplomatiyasi muhim ahamiyatga ega", – dedi Qozog‘iston suv xo‘jaligi va irrigatsiya vaziri Nurjon Nurjigitov.
Davlatlararo suv xo‘jaligini muvofiqlashtiruvchi komissiyasining 86-yigilishining navbatdagisi shu yilning sentabr oyida Turkmanistonda bo‘lib o‘tadi.