TOShKENT, 26 apr — Sputnik. Rossiya Markaziy banki YeOIIning 10-yilligiga bag‘ishlangan esdalik tanga chiqardi, deb xabar qilmoqda bank matbuot xizmati.
Nominal qiymati 3 rubl bo‘lgan "YeOII 10-yilligi" esdalik kumush tangasi 2024-yil 26-aprel kuni muomalaga chiqarildi. Unda qimmatbaho metalning sof massasi 31,1 g,ni tashkil qiladi. Probasi 925, diametri 39,0 mm bo‘lgan doira shakliga ega.
Tanganing old tomonida Rossiya Davlat gerbi va “ROSSIYa FEDERATSIYaSI”, “ROSSIYa BANKI” yozuvlari mavjud.
Tanganing orqa tomonida rangli qilib ishlangan "YeAES" yozuvi hamda YeOII a’zo va kuzatuvchi-davlatlarining: (Kuba va O‘zbekiston) ramziy belgilari lazer yordamida chizilgan.
Rossiya MB banki 3 ming dona na shunday tangani muomalaga chiqargan. Bu tangalar Rossiya hududida naqd pul to‘lashning qonuniy vositasi bo‘lib, barcha turdagi to‘lovlarda cheklovlarsiz nominal qiymatida qabul qilinishi kerak.