TOShKENT, 22 apr — Sputnik. Namanganda 63-xalqaro “Gullar festivali” bo‘lib o‘tadi, deya xabar berdi viloyat hokimligi matbuot xizmati.
Namangan viloyati hokimi Shavkatjon Abdurazzoqov Namangan shahrida bo‘lib o‘tishi kutilayotgan 63- xalqaro “Gullar festivali”ga tayyorgarlik jarayonlari bilan tanishdi.
63-xalqaro “Gullar festivali”
© Xokimiyat Namanganskoy oblasti
Qayd etilishicha, "Tinchlik xiyoboni"da tashkil etiladigan ko‘rgazma hamda dekoratsiyalar, ekiladigan yangi gul turlari, shuningdek, festival uchun tayyorlanadigan esdalik sovg‘alari namunalari ko‘rib chiqildi.
63-xalqaro “Gullar festivali”
© Xokimiyat Namanganskoy oblasti
Zahiriddin Muhammad Bobur nomli madaniyat va istirohat bog‘ida viloyatdagi yirik korxona, tashkilot hamda muassasalar, shahar va tumanlar uchun ajratilgan yer maydonlarida dekoratsiyalar loyihasi barpo etilgan.
63-xalqaro “Gullar festivali”
© Xokimiyat Namanganskoy oblasti
“19 maydan 23-iyuniga qadar Namanganda o‘tadigan an’anaviy xalqaro festival doirasida har bir soha va yo‘nalish mutasaddilari aniq topshiriq va ko‘rsatmalar oldilar”, — deyiladi xabarda.
Eslatib o‘tamiz, o‘tgan yili o‘tkazilgan festivalda jami 3000 turga yaqin 36 mln tup gullar ekilgan. Ular orasida chuchmoma, safsar, chinnigul, atirgul, momaqaymoq, xina gullari va boshqa gullar bor. Festivalga qo‘shni Qirg‘izistondan 5839 nafar, Qozog‘istondan 283 nafar va Tojikistondan 149 nafar sayyoh tashrif buyurgan edi. Shu bilan birga, Rossiya, Xitoy, Turkiya, Bangladesh, Hindiston va boshqa davlatlardan mehmonlar kelgan.