TOShKENT, 15 apr — Sputnik. Eron tomoni Yaqin Sharqdagi harbiy-siyosiy keskinlikni kuchaytirishga intilmayapti, biroq respublikaning qizil chiziqlari kesib o‘tilsa, qattiqroq javob beradi. Bu haqda Eron Tashqi ishlar vazirligi matbuot kotibi Nosir Kanoniy haftalik matbuot anjumanida ma’lum qildi, deb yozmoqda RIA Novosti.
“Eron mintaqadagi keskinlikni kuchaytirishga intilmayapti va BMT Nizomi va xalqaro huquq tamoyillari va maqsadlariga sodiqligini tasdiqlagan holda Eron har qanday darajada Isroilning Eronning qizil chizig‘ini kesib o‘tuvchi har qanday harakatlariga nisbatan kuchliroq choralar ko‘radi”, — dedi matbuot kotibi.
Eslatib o‘tamiz, 14-aprel kuni Eron Isroilga raketa va dronlar bilan keng ko‘lamli hujum uyushtirdi. Harbiy nishonlarga, xususan, Negev cho‘lidagi aviabazaga hujum qilindi. Umuman olganda, Isroilga 185 ta dron, 36 ta qanotli raketa va 110 ta “yer-yer” ballistik raketalari uchirildi.
Eron bu hujum Isroilning yaqinda Damashqdagi konsulligiga uyushtirgan raketa hujumiga javob ekanini ma’lum qildi. Eronning BMTdagi missiyasi BMT Nizomining o‘zini himoya qilish huquqi haqidagi 51-moddasiga ishora qilgan.
Isroil harbiy-havo kuchlari 1-aprel kuni Suriya poytaxti Damashqdagi Eron bosh konsulligi binosiga zarba berdi. Ma’lumotlarga ko‘ra, korpusning yetti nafar ofitseri, jumladan, ikki yuqori martabali bosh maslahatchi halok bo‘lgan. Tehron javob berish huquqiga ega ekanligini bildirdi.