TOShKENT, 17 mar — Sputnik. O‘zbekiston vaqti bilan soat 20:00 da Rossiya prezidenti saylovida ovoz berish jarayonlari yakunlandi, deya xabar berdi Sputnik O‘zbekiston muxbiri.
Toshkent va Samarqandda tashkil etilgan saylov uchastkasida mingdan ortiq Rossiya fuqarolari ovoz berdi.
Saylov uchastkalarida ovoz berish natijalarini aniqlash, bulletenlarni sanash jarayonlari boshlandi.
Ma’lumot uchun, 2024-yilgi Rossiya prezidenti saylovida ovoz berish 3 kun davom etadi: 15, 16 va 17-mart kunlari. Davlat rahbari lavozimiga to‘rt nafar nomzod ro‘yxatga olingan: Leonid Sluskiy (LDPR), Nikolay Xaritonov (KPRF), Vladislav Davankov (Novie lyudi) va Vladimir Putin (mustaqil nomzod).