TOShKENT, 21 fev — Sputnik. O‘zbekiston prezidenti Shavkat Mirziyoyev amaliy tashrif bilan Qozon shahriga keldi, deya xabar berdi davlat rahbari matbuot xizmati.
Abdulla To‘qay nomidagi xalqaro aeroportda davlat rahbarini Tatariston Bosh vaziri Aleksey Pesoshin va boshqa rasmiy shaxslar kutib oldi.
Prezident Uzbekistana pribil v Rossiyskuyu Federatsiyu
© Press-slujba prezidenta Uzbekistana
"Tashrif dasturiga muvofiq, O‘zbekiston prezidenti Rossiya prezidenti bilan muzokara o‘tkazadi", — deyiladi xabarda.
Prezident Uzbekistana pribil v Rossiyskuyu Federatsiyu
© Press-slujba prezidenta Uzbekistana
So‘ng yetakchilar 21-fevral – 3-mart kunlari Qozonda o‘tkaziladigan “Kelajak o‘yinlari” birinchi xalqaro multisport musobaqalarining tantanali ochilish marosimida ishtirok etishadi.
Ma’lumot uchun, Rossiyada ilk bor tashkil etilayotgan va 21-fevral – 3-mart kunlari bo‘lib o‘tadigan “Kelajak O‘yinlari” sportning an’anaviy turlari, ilmiy ishlanmalar va raqamli texnologiyalarni o‘zida mujassam etgan musobaqadir. Ushbu yirik sport tadbirida 107 ta mamlakatdan 227 ta jamoa, shu jumladan O‘zbekiston sportchilari ishtirok etadi.
Eslatib o‘tamiz, Shavkat Mirziyoyev o‘tgan yilning 5-7 oktabr kunlari rasmiy tashrif bilan Rossiyada bo‘lgan edi. O‘zbekiston prezidentining tashrifi 5-oktabr kuni Qozon shahridan boshlandi. U yerda Shavkat Mirziyoyev Rossiya - O‘zbekiston uchinchi mintaqalararo forumida ishtirok etdi va Tatariston sanoat salohiyati ko‘rgazmasini tomosha qildi. Shuningdek Tatariston rahbari Rustam Minnixanov bilan uchrashdi.
Shavkat Mirziyoyevning Rossiyaga tashrifi doirasida O‘zbekiston va Rossiya hukumat muassasalari, uyushma va kompaniyalari orasida jami 24 ta hujjat imzolandi. Vladimir Putin va Shavkat Mirziyoyev Kremlda bo‘lib o‘tgan muzokara yakunlari bo‘yicha qo‘shma bayonot qabul qilishdi.