TOShKENT, 13 fev — Sputnik. Ukraina hatto G‘arb davlatlari ko‘magida ham Rossiyani jang maydonida mag‘lub eta olmaydi. Bu haqda amerikalik jurnalist Taker Karlson senator Jeyms Devid Vens bilan intervyuda ma’lum qildi, deb yozmoqda RIA Novosti.
"Ukraina Rossiyaga qarshi urushda g‘alaba qozona olmaydi. Ukraina harbiylari hatto G‘arbning yuzlab milliard dollar yordami bilan ham Rossiya harbiylarini Ukraina sharqidagi hududlardan siqib chiqara olmaydi", — dedi u.
Karlsonning so‘zlariga ko‘ra, G‘arb davlatlarining Kiyevni qo‘llab-quvvatlashda davom etishi "ko‘proq halok bo‘lgan ukrainaliklar" va "G‘arb iqtisodiyotining yanada tanazzulga uchrashiga" olib keladi.
Eslatib o‘tamiz, Taker Karlson o‘z veb-sayti va turli platformalarda Rossiya yetakchisi bilan ikki soatlik suhbatni joylashtirdi. E’lon qilinganidan beri u X ijtimoiy tarmog‘ida 170 milliondan ortiq, "YouTube"da esa o‘n milliondan ortiq ko‘rilgan.