TOShKENT, 8 fev — Sputnik. Rossiya va O‘zbekiston ekspertlari tabiiy gazni qazib olish, qayta ishlash va tashishning tijorat hisobi sohasidagi so‘nggi tendensiyalarni muhokama qilishdi. Bu haqda Rossiyaning O‘zbekistondagi savdo vakolatxonasi xabar berdi.
“O'zlitineftgaz” aksiyadorlik jamiyatida “O‘zbekneftgaz” aksiyadorlik jamiyati ko‘magida savdo vakolatxonasi va Rossiyaning “Xromos injiniring” MChJ hamkorligida tashkil etilgan ilmiy-amaliy anjuman bo‘lib o‘tdi.
“Anjuman davomida ekspertlar ishlab chiqarishda tijorat hisobi sohasidagi so‘nggi tendensiyalar, tabiiy gazni qayta ishlash, gaz xromatograflaridan foydalanishning dolzarb masalalarini muhokama qilindi”, — deyiladi xabarda.
Rossiya Federatsiyasining Savdo vakili Konstantin Zligostev neft-gaz sanoati, jumladan, standartlashtirish va metrologiya sohasida Rossiya-O‘zbekiston munosabatlari yuqori darajada rivojlanganligini ta’kidladi. Jumladan, yanvar oyida Toshkentda xromatografiya yo‘nalishi bo‘yicha “Xromos injiniring” o‘quv markazi ochilib, talabalar ishga qabul qilinmoqda.
O‘zbekistondagi neft-gaz korxonalarining quvvati ilgari yiliga qariyb 70 milliard kub metr tabiiy gaz va 8 million tonna suyuq uglevodorodlar ishlab chiqarish imkonini bergan. Rasmiy statistik ma’lumotlarga ko‘ra, 2023-yilda mamlakatda tabiiy gaz qazib olish o‘tgan yilga nisbatan 9,6 foizga, 46,71 milliard kub metrga, neft qazib olish 2,3 foizga, 770,1 ming tonnaga kamaygan.