TOShKENT, 8 yanv — Sputnik. Kuvaytlik shifokorlar Farg‘ona viloyatidagi 60 nafar ehtiyojmand oila farzandlari uchun murakkab kardiojarrohlik amaliyotlari xayriya tadbirini o‘tkazmoqda. Bu haqda viloyat hokimligi matbuot xizmati xabar berdi.
Kuvaytning “Gulf Care General Trade” kompaniyasi tizimiga kiruvchi klinikalarda faoliyat yurituvchi 20 nafarga yaqin shifokorlar va tibbiyot xodimlaridan iborat guruh Farg‘onada tibbiyot sohasida yirik investitsion loyihani amalga oshirmoqda.
Kuvaytlik shifokorlar Farg‘onada bepul jarrohlik amaliyotlarini olib bormoqda
© Xokimiyat Ferganskoy oblasti
Ular viloyatdagi ehtiyojmand oila farzandlari uchun murakkab bolalar kardiojarrohlik amaliyotlari xayriya tadbirini o‘tkazishni boshladi.
“16 yanvarga qadar viloyat bolalar ko‘p tarmoqli tibbiyot markazida quvaytlik mutaxassislar tomonidan 60 ta yuqori texnologik murakkab jarrohlik amaliyotlari, shu jumladan, intervension kardiologik amaliyotlar bepul o‘tkazilishi belgilangan”, — deyiladi xabarda.
Kuvaytlik shifokorlar Farg‘onada bepul jarrohlik amaliyotlarini olib bormoqda
© Xokimiyat Ferganskoy oblasti
Ushbu bemor bolalar 2023-yil iyul oyida kuvaytlik shifokorlar tomonidan viloyatda o‘tkazilgan tibbiy ko‘rik davomida saralab olingan.