TOShKENT, 27 dek — Sputnik. “Yashil Yevroosiyo” tanlovi 2024-yil boshida boshlanadi, deya xabar berdi Yevroosiyo iqtisodiy komissiyasi matbuot xizmati.
Kelasi yil may oyida bo‘lib o‘tadigan Yevroosiyo iqtisodiy forumi doirasida “Yashil Yevroosiyo” ikkinchi xalqaro iqlim tanlovi natijalari sarhisob qilinadi.
Maqsad iqlimni yumshatish, moslashish va barqaror rivojlanish bo‘yicha eng samarali amaliyotlarni tanlash bo‘lgan “Yashil Yevroosiyo” tanlovi 2024-yil boshida boshlanadi.
Tanlovda ishtirok etish uchun tijorat tashkilotlari, notijorat tashkilotlar, davlat organlari, hokimiyat organlari, birlashmalar va YeOIIga a’zo davlatlar va uchinchi davlatlarning jismoniy shaxslari ariza berishlari mumkin.
Tanlov tashkilotchilari Yevroosiyo iqtisodiy komissiyasi, Strategik tashabbuslar agentligi va Yevroosiyo makonidagi rivojlanish institutlari konsorsiumi hisoblanadi.
"Agar 2023-yilda g‘olib va finalchilar bizning Yevrosiyo "beshligi" mamlakatlari loyihalari bo‘lgan bo‘lsa, ikkinchi tanlov ishtirokchilarning yanada kengroq geografiyasini va turli mavzuli yo‘nalishlarni namoyish etishni va’da qiladi", — dedi YeIK savdo vaziri Andrey Slepnev.
Kelgusi yilda tanlov toza energiya va energiya samaradorligi, toza sanoat, yashil moliyalashtirish, kam uglerodli transport va boshqa yo‘nalishlarda o‘tkazilishi rejalashtirilgan.
“Yashil Yevroosiyo” iqlim barqarorligini mustahkamlash bo‘yicha tajriba almashish uchun keng ko‘lamli platformaga aylanadi. Mutaxassislar tomonidan nominatsiyada eng yaxshi deb topilgan amaliyotlar takrorlash uchun tavsiya etiladi.
“Bu butun dunyodagi o‘zgarishlar yetakchilari uchun o‘z tajribasini ifodalash va xalqaro miqyosda e’tirofga ega bo‘lish imkoniyatidir”, — dedi Strategik tashabbuslar agentligi bosh direktori Svetlana Chupsheva.
“Yashil Yevroosiyo” ikkinchi xalqaro iqlim tanloviga arizalarni qabul qilish 2024-yil 1-fevraldan 31-martgacha rasmiy veb-saytda amalga oshiriladi.
30 aprelga qadar taqdim etilgan amaliyotlar ekspert bahosini oladi. Natijalar sarhisob qilinadi va g‘oliblar 2024-yil may oyida bo‘lib o‘tadigan Yevroosiyo iqtisodiy forumida taqdirlanadi.