TOShKENT, 18 dek — Sputnik. O‘zbekistonda Xitoy tajribasi asosida turizm industriyasi holatini onlayn monitoring qilish va baholash platformasi yaratiladi. Bu haqda "Dunyo" AA xabar berdi.
O‘zbekiston turizm qo‘mitasi raisi Umid Shodiyev Pekin shahrida Xitoy Turizm va madaniyat akademiyasi rahbari Lina Chjun bilan uchrashdi. Unda Akademiya tomonidan yaratilgan "Tourism Big Data Platform" dasturi bilan tanishildi.
Xitoyning turizm industriyasi holatini onlayn monitoring qilish va baholash imkonini beradigan ushbu raqamli platforma 300 dan ortiq ko‘rsatgich va 140 ta indeksni o‘zida aks ettirgan.
Muzokaralar yakuni bo‘yicha hamkorlikda O‘zbekistonda shu kabi platformani yaratish hamda unga kerakli ma’lumotlar bazasini shakllantirish bo‘yicha tajriba almashishga kelishib olindi.