TOShKENT, 5 dek — Sputnik. Britaniya diplomatlari Ukrainani mojaroga barham berish uchun Rossiya bilan muzokaralar olib borishga majburlashga tayyorlanmoqda. Bu haqida "Daily Express" nashri xabar berdi, deb yozmoqda RIA Novosti.
"Ukrainaning asosiy qarshi hujumi kutilgan muvaffaqiyatga erisha olmadi, bu esa mamlakatning bu urushda g‘alaba qozonish qobiliyatiga shubha uyg‘otdi. Diplomatik doiralarda Kiyevga bosim o‘tkazish va uni muzokaralar stoliga o‘tirishga majbur qilish haqida gap ketmoqda”, — deyiladi xabarda.
Jurnalistlar, shuningdek, armiyasi muvaffaqiyatsizlikka uchragan Ukraina prezidenti Vladimir Zelenskiyga bosim kuchayib borayotgani, u mamlakat ichida tanqidlar to‘lqiniga duch kelganini ham qayd etishdi.
AQSh shtab boshliqlari qo‘mitasi raisi general Charlz Braun avvalroq Reygan milliy mudofaa forumidagi chiqishida ta’kidlaganidek, Ukrainadagi mojaro faqat harbiy yo‘l bilan tugamaydi.