“Ko‘p holatlarda migrantlar, agar menda OIV aniqlansa, men bemalol davlatga kirib chiqishimga cheklovlar qo‘yiladi yoki qabul qiluvchi mamlakatda qonuniy ishga joylashish muammosi bo‘lishi mumkin deb o‘ylashadi. Aslini olganda, hech bir davlatda OIV aniqlangan bemorlarga hech qanday cheklovlar yo‘q. Shuning uchun bemalol tekshiruvlardan o‘tib, ularni davolanishga chaqiramiz”, — deydi Egamberdiyev.
“Bizda migrantlarda OIV-infeksiyasi mavjud yoki mavjud emasligini aniqlovchi maxsus ekspress testlar bor. Bu organizmdagi infeksiyani aniqlashning dastlabki bosqichi hisoblanadi. Natijalar chiqqandan so‘ng OIVga gumon bo‘lsa, bemor keyingi bosqichlar, jumladan, klinik, diagnostik va laboratoriya tekshiruvlardan o‘tadi. Shundan so‘ng biz bemorda retrovirusga qarshi terapiyani boshlaymiz. Biz OIV aniqlangan insonning yoshi, jinsi va tana vazniga qarab dori preparatlarini tanlaymiz. U 3 oy davomida bemor tomonidan iste’mol qilingandan so‘ng, tahlillar qayta o‘tkaziladi. Davolanishning bu turi orqali organizmdagi virus yuklamasi kamayadi, T – limfotsitlar soni ortadi. Dorilarni bemor bir umr iste’mol qilishi kerak bo‘ladi” — dedi u.
“Bazamizda OIV bilan yashayotgan migrantlar to‘g‘risida yetarli ma’lumotlar yo‘q. Yuqorida aytganimdek, kasallik alomatlarini sezgan bemorlar ham buni oshkor qilishga cho‘chishadi. OIV-infeksiyasini oldini olish va davolash uchun ularni bu kasallik hamda tekshiruv va davolanish jarayonlaridan xabardor qilish uchun targ‘ibotni yanada kuchaytirish kerak”, - dedi u.