TOShKENT, 27 noya — Sputnik. O‘zbekistonda Saudiya Arabistoni bilan hamkorlikda yirik energetika loyihalariga start berildi, deya xabar berdi prezident matbuot xizmati.
O‘zbekiston prezidenti Shavkat Mirziyoyev Saudiyaning yetakchi “ACWA Power”kompaniyasi bilan amalga oshirilayotgan loyihalarni boshlash marosimida ishtirok etdi.
Tadbirda Sirdaryo viloyatida 1500 megavatt quvvatli zamonaviy bug‘-gaz elektr stansiyasini tarmoqqa ulash hamda Toshkent viloyatida “yashil vodorod”ni “pilot” tarzda ishlab chiqarish quvvatlarini barpo etishni boshlashga start berildi.
Shavkat Mirziyoyev Saudiyaning yetakchi “ACWA Power”kompaniyasi bilan amalga oshirilayotgan loyihalarni boshlash marosimida ishtirok etdi.
Qayd etilishicha, Sirdaryodagi qiymati 1,1 milliard dollar bo‘lgan issiqlik elektr stansiyasi loyihasi 3 milliondan ziyod xonadon va yuzlab sanoat korxonalarining elektr energiyasiga ehtiyojini ta’minlashga imkon beradi. Bundan tashqari, mintaqada ilk bor “yashil vodorod” ishlab chiqarish bo‘yicha o‘xshashi yo‘q korxona tashkil etilmoqda.
Shavkat Mirziyoyev Saudiyaning yetakchi “ACWA Power”kompaniyasi bilan amalga oshirilayotgan loyihalarni boshlash marosimida ishtirok etdi.
“Ushbu “pilot” loyiha doirasida mamlakatimizda birinchi bosqichda 3 ming tonna vodorod ishlab chiqariladi va keyinchalik mineral o‘g‘itlarga qayta ishlanadi, shuningdek, 52 megavattlik shamol elektr stansiyasi quriladi”, — deyiladi xabarda.
Umuman, “ACWA Power” kompaniyasi ishtirokida O‘zbekistonda 7,5 milliard dollarlik yirik energetika loyihalari muvaffaqiyatli amalga oshirilmoqda.
Shavkat Mirziyoyev Saudiyaning yetakchi “ACWA Power”kompaniyasi bilan amalga oshirilayotgan loyihalarni boshlash marosimida ishtirok etdi.
Ushbu loyihalarning ishga tushirilishi 2030-yilga borib 25 gigavatt qayta tiklanuvchi energiya quvvatlarini yaratish, 4,5 milliard kub metr gazni iqtisod qilish va atmosferaga zararli moddalar tashlanmalarini 3 million tonnagacha qisqartirish imkonini beradi.