TOShKENT, 29 okt — Sputnik. G‘azo sektorida Isroil hukumati tomonidan aloqa va internet to‘liq o‘chirilganidan keyin “internet” yana paydo bo‘la boshladi. Bu haqda Al Jazeera G‘azodagi onasi bilan bog‘lanishga muvaffaq bo‘lgan sharhlovchiga tayanib xabar berdi, deb yozmoqda RIA Novosti.
Juma kuni Falastinning Jawwal telekommunikatsiya kompaniyasi G‘azo sektorida aloqa va internet xizmatlari to‘liq to‘xtatilganini tasdiqladi.
Keyinroq Falastin aloqa va axborot texnologiyalari vaziri Ishoq Sadr RIA Novostiga Isroil hukumati xalqaro tashkilotlar tekshiruvlariga qaramay, G‘azo sektorida uzib qo‘yilgan uyali aloqa va internet xizmatlarini qayta ulashdan bosh tortganini aytdi.
“Ajoyib yangilik: G‘azodagi onam bilan bog‘lanib, uning ovozini eshitdim. Hammaga ayting, aloqa zaif, lekin u bor. Endi har kim o‘z oila a’zolari bilan bog‘lanishi mumkin. Qancha vaqtgacha hech kim bilmaydi?” — telekanal o‘z sharhlovchisi Majed Abusalomning X ijtimoiy tarmog‘idagi xabaridan iqtibos keltirdi.
Avvalroq amerikalik milliarder va tadbirkor Ilon Mask Starlink sun’iy yo‘ldosh aloqa xizmatlari G‘azo sektorida yordam ko‘rsatuvchi xalqaro tan olingan tashkilotlarga taqdim etilishini aytgan edi. Isroil aloqa vaziri Shlomo Karhining aytishicha, mamlakat XAMASning Starlink sun’iy yo‘ldosh aloqasidan foydalanishiga yo‘l qo‘ymaslik uchun barcha mavjud vositalarni ishga soladi.