TOShKENT, 28 okt — Sputnik. Namanganda “Xalqaro Asal festivali” o‘tkazilmoqda, deya xabar berdi viloyat hokimligi matbuot xizmati.
Festivalning tantanali ochilish marosimida O‘zbekiston fermer, dexqon xo‘jaliklari va tomorqa yer egalari kengashi raisi Aktam Xaitov, Namangan viloyati hokimi Shavkatjon Abdurazakov so‘zga chiqishdi.
© Xokimiyat Namanganskoy oblasti
Mazkur festivalda Qirg‘iziston, Qozog‘iston respublikalari, Rossiya Federatsiyasidan jami 100 dan ortiq asalarichilik bilan shug‘ullanib kelayotgan tadbirkorlar va ekspertlar qatnashmoqda.
© Xokimiyat Namanganskoy oblasti
Festivalning asosiy maqsadi o‘zaro hamkorlik va do‘stlikni mustahkamlash, shuningdek, asalarichilik sohasida xalqaro tajriba almashuv platformasini yaratish, asalarichilikka innovatsion texnologiyalarni joriy etgan holda sanoatlashtirish hamda dunyoda shu yo‘nalishda rivojlangan Rossiya, Qozog‘iston kabi yirik 10 talik davlatlar ichidan joy olishdir.
Festival doirasida imkoniyati cheklangan fuqarolar, kam ta’minlangan oilalar hamda ijtimoiy himoyaga muhtoj bo‘lgan xotin-qizlarga 1000 kg miqdoridagi asal bepul tarqatiladi.
© Xokimiyat Namanganskoy oblasti