TOShKENT, 27 okt — Sputnik. Rossiya Federatsiyasi Qishloq xo‘jaligi vazirligi parranda tuxumlarini 6 oy muddatga eksport qilishni vaqtinchalik taqiqlashni taklif qildi. Bu haqida Hukumat qarori loyihasi normativ-huquqiy hujjatlar portaliga joylashtirildi. RIA Novosti xabariga asosan.
Ma’lum bo‘lishicha, yilning birinchi yarmida Rossiya 3,5 million dollarlik tuxum va uning yarim tayyor mahsulotlari eksport qilgan. Bu oyiga o‘rtacha 580 ming dollarlik tuxum va tuxum mahsulotlari eksportini anglatadi.
Ushbu miqdorning 96 % Qirg‘iziston va Ozarbayjonga to‘g‘ri keldi. Asosiy xaridor Qirg‘iziston bo‘lib, Rossiyadan 2,6 million dollarga tuxum sotib olgan.
Ikkinchi o‘rinda Ozarbayjon (712 ming dollar), uchinchi o‘rinda O‘zbekiston (84 ming dollar), Armaniston (30 ming dollar), Gruziya (29 ming dollar) va Hindiston (3 ming dollar) bormoqda.
Ko‘pgina mamlakatlar uchun iyul ma’lumotlari hali mavjud emas, ammo Armaniston masalan, xaridlarni keskin oshirgan - 55 ming dollargacha, bu butun yilning birinchi yarmidagi summadan 1,8 baravar ko‘p. Ozarbayjon ham importni birinchi yarim yillikdagi o‘rtacha ko‘rsatkichga nisbatan 1,6 barobarga, 188 ming dollargacha oshirgan.