“Red Wings” Samarqand va Qozonni to‘g‘ridan-to‘g‘ri reyslar bilan bog‘laydi

Parvozlar 30-oktabrdan boshlanishi kutilmoqda. Reyslar dushanba kunlari muntazam ravishda amalga oshiriladi.
Sputnik
TOShKENT, 23 okt — Sputnik. Rossiyaning “Red Wings” aviakompaniyasi Qozon – Samarqand – Qozon yo‘nalishi bo‘yicha muntazam qatnovlarni yo‘lga qo‘ymoqda. Bu haqda “Uzbekistan Airports” axborot xizmati xabar bermoqda.
Bu yo‘nalishdagi parvozlar 30-oktabrdan boshlanishi kutilmoqda. Reyslar haftada bir marta dushanba kunlari muntazam ravishda amalga oshiriladi.
“Red Wings” Stavropol va Ufadan Toshkentga muntazam parvozlarni yo‘lga qo‘yadi
“Red Wings” Domodedovo aeroportida joylashgan Rossiya aviakompaniyasi bo‘lib, muntazam va charter yo‘lovchi tashishga ixtisoslashgan. Bugungi kunda aviatashuvchi O‘zbekistonning beshta shahridan Rossiyaning beshta shahriga parvozlarni amalga oshirmoqda.