TOShKENT, 19 okt — Sputnik. Tojikiston poytaxti Dushanbeda yirik xalqaro “Toji Somon” festivali o‘tkazilmoqda, tadbir doirasida O‘zbek kinosi kunlari ham bo‘lib o‘tmoqda. Bu haqda Sputnik Tojikiston xabar berdi.
Kecha, 18-oktabr kuni “Yulduzlar shu’lasi: Jomiy va Navoiy” tojik-o‘zbek kinoloyihasining taqdimoti bo‘lib o‘tdi.
Shuningdek, tomoshabinlarga “Uzbechka” (“O‘zbek qizi”) badiiy filmi ham namoyish etildi.
Dushanbe aholisi va mehmonlari rossiyalik kinoijodkorlarning asarlarini ham tomosha qilishlari mumkin.
Festival bugun, 19-oktabr kuni yakunlanadi.