TOShKENT, 19 okt — Sputnik. O‘zbekistonda AI-80 benzin narxlari eski belgilangan tartibda amalga oshiriladi. Bu haqda "O‘zbekneftgaz" matbuot kotibi xabar berdi.
Ijtimoiy tarmoqlarda joriy yil 1-noyabrdan boshlab AI-80 benzin narxining oshishi haqida xabarlar tarqalmoqda.
"O‘zbekneftgaz" bu xabarlarni asossiz deb biladi va jamiyatga tegishli AYoQShlarda narxlar eski belgilangan tartibda amalga oshirilishini ma’lum qiladi", — deyiladi xabarda.
Eslatib o‘tamiz, avvalroq yoqilg‘i olib keluvchi tadbirkorlarga aylanma mablag‘ uchun kreditlar ajratilishi ma’lum qilingandi.