TOShKENT, 11 okt — Sputnik. Isroil va G‘azo sektoridagi mojaro hududlarida majburan ushlab turilganlar orasida O‘zbekiston fuqarolari borligi haqida ma’lumot elchixonaga kelib tushmagan. O‘zbekistonning Isroildagi elchixonasi shunday rasmiy bayonot berdi.
Hozir O‘zbekiston fuqarolarini Isroilda ro‘yxatga olish tezlashtirilgan va soddalashtirilgan tartibda amalga oshirilmoqda. Shu munosabat bilan elchixona Isroilda yashayotgan O‘zbekiston fuqarolariga yana bir bor murojaat qilib, tezkor aloqa va amaliy yordam ko‘rsatish maqsadida o‘zlarining istiqomat manzillari to‘g‘risidagi ma’lumotlarni diplomatik vakolatxonaning elektron manziliga jo‘natishni so‘ragan.
“Ma’lumot olishda ishonchli manbalarga tayanishingizni va tasdiqlanmagan ma’lumotlarni tarqatmaslikni so‘raymiz”, - deyilgan xabarda.
Elchixonaning murojaat uchun telefon raqamlari:
03-672-2466
03-672-2371
03-758-5075
03-758-5076
054-4851397