TOShKENT, 9 okt — Sputnik. “Vostok” guruhi qo‘shinlari bo‘linmalari Ukraina Qurolli kuchlari piyoda askarlarining Janubiy Donesk yo‘nalishida hujum qilish urinishlarining oldini oldi hamda razvedka guruhini yo‘q qildi. Bu haqda “Vostok” guruhi matbuot markazi rahbari Oleg Chexov RIA Novostiga ma’lum qildi.
“Janubiy Donesk yo‘nalishida “Vostok” qo‘shinlari guruhi bo‘linmalari artilleriya o‘qlari, aviatsiya va og‘ir o‘t ochish tizimlari yordamida Nikolskoe va Priyutnoe yo‘nalishlarida dushman piyoda askarlarining hujum qilish urinishlarining oldini oldi. Novodoneskoe va Staromayorskoe hududlarida piyoda qo‘shin guruhlari aniqlandi va yakson qilindi. Shuningdek, Priyutnoe hududida Ukraina Qurolli kuchlarining razvedka guruhi yo‘q qilindi”, — dedi u.
Artilleriyachilar Novomixaylovka va Priyutnoe shimolidagi o‘q-dorilar omborlarini, Katerinivka va Konstantinovka hududlarida millatchilarni olib ketayotgan mashinalarni yo‘q qildi. Dushman D-20 artilleriya quroli va to‘rtta minomot ekipajini yo‘qotgan.