TOShKENT, 9 okt — Sputnik. "O‘ztransgaz" aksiyadorlik jamiyati boshqaruv raisiga o‘rinbosarlar tayinlandi. Bu haqda kompaniya matbuot xizmati xabar bermoqda.
Xususan, Muhsin Rahmonov kompaniya boshqaruv raisining birinchi o‘rinbosari — bosh muhandis lavozimiga tayinlandi.
U tayinlovga qadar "O‘ztransgaz" AJ Gazli magistral gaz quvurlari boshqarmasi boshlig‘i o‘rinbosari — bosh muhandis lavozimida faoliyat yuritgan.
Jahongir Baybayev kompaniya boshqaruv raisining qurilish va transport bo‘yicha o‘rinbosari etib tayinlandi.
Shu paytga qadar u Energetika vazirligi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasi — "O‘zenergoinspeksiya" Neft-gaz sohasida nazorat tadbirlarini muvofiqlashtirish boshqarmasi boshlig‘i lavozimida ishlab kelayotgan edi.
Shohjahon Safarov kompaniya boshqaruv raisining transformatsiya masalalari bo‘yicha birinchi o‘rinbosari vazifasini vaqtincha bajaruvchisi etib tayinlandi.
Bu tayinlovga qadar u "O‘ztransgaz" AJ investitsiyalar va istiqbolli rivojlanish departamenti boshlig‘i lavozimida ishlayotgandi.
Avgust oyida "O‘zneftgazinspeksiya" rahbari o‘rinbosari sifatida ishlab kelgan Askar Isakov "O‘ztransgaz" boshqaruvi raisi vazifasini vaqtincha bajaruvchi etib tayinlangan edi