TOShKENT, 7 okt — Sputnik. Ushbu gaz transport koridorining ishga tushirilishi strategik ahamiyatga ega. Bu haqda Shavkat Mirziyoyev "Gazprom" tomonidan O‘zbekistonga Rossiya gazini yetkazib berish marosimida ma’lum qildi.
O‘zbekiston rahbarining so‘zlariga ko‘ra, ushbu loyihaning amalga oshirilishi energetika sohasida Rossiya, Qozog‘iston va O‘zbekiston o‘rtasidagi muvaffaqiyatli o‘zaro manfaatli hamkorlikning yorqin namunasidir.
"Bu hamjihatlik va jahon iqtisodiyoti muammolariga, ayniqsa, energetika xavfsizligini ta’minlashda samarali javob bera olish qobiliyatining namoyonidir", — dedi Mirziyoyev.