TOShKENT, 3 okt — Sputnik. O‘zbekistonlik yengil atletikachilar Xitoydagi Osiyo o‘yinlarida oltin va kumush medalni qo‘lga kiritdi. Bu haqda Milliy olimpiya qo‘mitasi xabar berdi.
Yengil atletika bo‘yicha O‘zbekiston terma jamoasi a’zolari Safina Sadullayeva hamda Svetlana Radzivil balandlikka sakrash dasturida medallar uchun kurash olib borishdi.
Musobaqa yakunida Sa’dullayeva oltin, Radzivil esa kumush medalni qo‘lga kiritdi. Kuchli uchlikni qozog‘istonlik Nadejda Duboviskaya yakunlab berdi.
Ta’kidlanishicha, g‘olib va sovrindorlar bir xil 1.86 metr natija qayd etishgan. Shohsupdagi o‘rinlar urinishlar soniga qarab taqsimlangan.