TOShKENT, 16 sen — Sputnik. Toshkent viloyatining eko va agroturizm salohiyatini namoyon etish maqsadida 15-16-sentabr kunlari Parkent tumanida Uzum va vinochilik xalqaro festivali o‘tkazildi.
Festivalda respublikaning 12 ta viloyatidan fermer xo‘jaliklari, ekoturizm yo‘nalishidagi tadbirkorlar va turli xil tabiiy ichimliklar ishlab chiqaruvchi korxonalar ishtirok etdi. Har bir hudud o‘z eko, agro, gastroturizm salohiyatini namoyish etdi.
Ma’lumot uchun, respublika bo‘yicha 182,1 ming gektar (107 ming hosilli) tokzorlar mavjud. Shu yilning o‘zida 2 million tonna uzum yetishtirish rejalashtirilgan. 2021-2023 yillarda 88,3 ming gektar, shundan 2023-yilda 14,4 ming gektar uzumzorlar barpo etildi. Yil yakunigacha yana 28 ming gektar barpo etish ko‘zda tutilgan.