TOShKENT, 14 sen — Sputnik. Rossiya prezidenti Vladimir Putin Ukrainadagi mojaroda “arqonni uzun tashlab qo‘ygan” va Yevropadagi vaziyat yomonlashishini kutmoqda, bu esa NATOning qulashiga olib keladi. Bu haqda Pentagon rahbarining sobiq maslahatchisi polkovnik Duglas Makgregor “Redacted” YouTube-kanaliga bergan intervyusida ma’lum qildi.
“Prezident Putin kutishga qaror qildi. Menimcha, u haqiqatan ham Yevropadagi vaziyat shunchalik yomonlashib, NATO parchalanib ketishiga ishonadi. Yevropaliklar shunchaki: “Biz sizning buyruqlaringizni qo‘limizdan kelganicha bajardik, Vashington, siz esa bizni do‘zaxga olib boradigan yo‘lga olib keldingiz” deydi. Germaniya allaqachon deindustrializatsiya boshlangan”, – dedi u.
Ekspertning so‘zlariga ko‘ra, Rossiya rahbariyati Ukraina Qurolli kuchlariga qarshi kurashga o‘zining barcha kuchlari va zaxiralarini darhol ishlatib qo‘ymaydi.
Shuningdek, u Rossiya qo‘shinlari mojaroga barham beradigan hujumni boshlashni xohlayotganini va bunga tayyor ekanligini ta’kidladi.
To‘rtinchi oydirki ukrainalik harbiylar Janubiy Donesk, Artyomovsk va Zaporojye yo‘nalishlarida NATO tomonidan o‘qitilgan va G‘arb harbiy texnikasi bilan qurollangan jangovar brigadalari yordamida olg‘a siljishga harakat qilmoqda. Biroq ular frontning biron bir hududida muvaffaqiyatga erisha olmadilar.
AQSh hamda Yevropa OAVlari va harbiy ekspertlar ham Kiyev rejimining yozgi kampaniyasi muvaffaqiyatsiz yakunlanganini yozmoqda. Shu bilan birga, ular Rossiyaning minalangan maydonlari va qatlamli mudofaasining samaradorligini qayd etishmoqda.