TOShKENT, 2 sen — Sputnik. O‘zbekistonlik taekvondochi Ulug‘bek Rashitov Parij Gran-Prisi chempioni bo‘ldi. Bu haqda O‘zbekiston taekvondo WT assosiatsiyasi xabar berdi.
Bugun -68 kg vazn toifasida terma jamo a’zosi Ulug‘bek Rashitov Fransiya poytaxti Parijda start olgan Gran-Pri turniri g‘olibiga aylandi.
U ishtirokini 1/16 final bosqichida gabonlik Amir Sisse Mussaga qarshi jangdan boshladi. Ilk jangni osonlik bilan yakunlagan Ulug‘bek nimchorak finalda chililik Ignasio Moralesni, chorak finalda xitoylik Yushuai Liangni, yarim finalda esa xorvatiyalik Marko Golubichni ortiqcha qiyinchiliksiz musobaqadan chiqarib yubordi.
O‘zbekistonlik taekvondochi Ulug‘bek Rashitov Parij Gran-Prisi chempioni bo‘ldi
© Assotsiatsiya taekvondo WT Uzbekistana
Final bellashuvda esa Rashitov braziliyalik Edival Pontesga hech qanday imkon qoldirmadi.
O‘zbekistonlik taekvondochi Ulug‘bek Rashitov Parij Gran-Prisi chempioni bo‘ldi
© Assotsiatsiya taekvondo WT Uzbekistana
“Ulug‘bek yana bir tarixiy natijani qayd etdi. Ya’ni hamurtimiz ketma-ket ikki bor Gran-Pri turkumidagi musobaqalar chempioniga aylangan ilk o‘zbek taekvondochisiga aylandi”, deyiladi xabarda.
O‘zbekistonlik taekvondochi Ulug‘bek Rashitov Parij Gran-Prisi chempioni bo‘ldi
© Assotsiatsiya taekvondo WT Uzbekistana
Ulug‘bek ushbu natijasi orqali oltin medal bilan birgalikda Parij-2024 Olimpiadasi yo‘lida 60 reyting ochkosini ham qo‘lga kiritdi.