TOShKENT, 22 avg — Sputnik. Oliy Majlis Senati raisi Tanzila Narbayeva kecha, 21-avgust kuni, Falastin tashqi ishlar va muhojirlar vaziri Riyod Malkini qabul qildi. Bu haqda Senat matbuot xizmati xabar berdi.
O‘zbekiston bilan Falastin o‘rtasidagi ko‘p tomonlama, xususan, iqtisodiy, madaniy-gumanitar sohalar hamda parlamentlararo aloqalarni rivojlantirish masalalari ko‘rib chiqildi.
Tanzila Narbayeva prinyala naxodashegosya v Uzbekistane s vizitom ministra inostrannix del i ekspatriantov Palestini Riyada Malki
Suhbat davomida savdo-iqtisodiy munosabatlar ikki tomonlama hamkorlikning muhim yo‘nalishlaridan ekanligi, shu nuqtayi nazardan qishloq xo‘jaligi va sanoat mahsulotlarini ishlab chiqarish, farmatsevtika va to‘qimachilik sohalarida qo‘shma loyihalarni yo‘lga qo‘yish zarurligi ta’kidlandi.
Senat raisi turli darajalarda o‘zaro tashriflarni tashkil etish va tajriba almashish orqali Falastin va O‘zbekiston o‘rtasidagi aloqalar salohiyatini kuchaytirish taklifini bildirdi. Jumladan, ikki davlat parlamentlari o‘rtasida konstruktiv muloqotni o‘rnatish va parlamentlararo yaqin aloqalarni rivojlantirishga e’tibor qaratildi.
Uchrashuv yakunida xalqaro parlament tuzilmalari va boshqa qator xalqaro tashkilotlar doirasida o‘zaro tashabbuslarni qo‘llab-quvvatlash an’anasini davom ettirish va hamkorlikni yanada izchil rivojlantirish yuzasidan kelishib olindi.