TOShKENT, 22 avg — Sputnik. Ozarbayjonda davlat tashrifi bilan bo‘lib turgan Shavkat Mirziyoyev rafiqasi Ziroatxon Mirziyoyeva bilan Haydar Aliyev qabrini ziyorat qildi, deb yozadi Sputnik Ozarbayjon.
Shavkat Mirziyoyev rafiqasi Ziroatxon Mirziyoyeva bilan Faxriy xiyobonga tashrif buyurib, Haydar Aliyev va uning umr yo‘ldoshi Zarifa Aliyeva xotirasiga hurmat bajo keltirdi.
Eslatib o‘tamiz, bugun O‘zbekiston rahbari davlat tashrifi bilan Bokuga keldi.
Shavkat Mirziyoyev rafiqasi Ziroatxon Mirziyoyeva bilan Bokuga keldi.
© Sputnik Azerbaydjan
Ikki davlatning davlat bayroqlari hilpirab turgan Haydar Aliyev nomidagi xalqaro aeroportda oliy martabali mehmon sharafiga faxriy qorovul saf tortdi.
Shavkat Mirziyoyev va uning rafiqasini Ozarbayjon bosh vazirining birinchi o‘rinbosari Yaqub Ayubov, tashqi ishlar vaziri o‘rinbosari Elnur Mammadov va boshqa rasmiy shaxslar kutib oldi.