Toshkent shahar IIB huzurida 2018-yilda boshpanasizlar uchun Mehribonlik uyi ochilgan. Bugungi kunda boshpana Nargiza Tulkunova tomonidan boshqariladi.
Toshkent shahridagi “Mehr-saxovat uyi” reabilitatsiya markazida bugungi kunda 112 nafar fuqaro istiqomat qiladi. Ularning har birining o‘z hikoyasi bor, lekin ularning barchasini bir narsa birlashtiradi - bu odamlarning barchasi boshpanasiz qolgan.
Uch o‘smir bola bu makonning ilk a’zolari bo‘lgan. Ular hali ham shu yerda yashab kelishmoqda.
"Dinara, Bahodir va Bunyod. Bolalarni ko‘chada qoldirib ketishgan edi. Bizda faqat shu bino bor edi, hatto tomi ham yo‘q edi. Ularni garajimizga joylashtirdik, karavot qo‘yib berdik. Ularni ovqatlantirdik", dedi Nargiza To‘lqinova.
Mehribonlik uyining boshqa aholisi orasida sobiq sportchilar, buxgalterlar, qamoq jazosini o‘tagan odamlar bor.
"Bu odamlar ham bir vaqtlar yaxshi yashagan. Ular ko‘chada uysiz qolishlarini qayerdan ham bilishardi? Ko‘chadan o‘tib ketayotganlar ularga jirkanib qarashadi va kelajakda ularni nima kutayotganini bilishmaydi", deydi u.
Uning so‘zlariga ko‘ra, bugun ko‘p odamlar ko‘chada qolmoqda. Eng keng tarqalgan sabablardan biri bu ularning yaqinlari boshqa oila a’zolarini hisobga olmasdan uy-joyni o‘yinda yutqazib qo‘yishi yoki sotishidir.
Shunday voqealardan biri yaqinda yuz berdi. Erkak o‘g‘li onlayn kazinoda kvartirasini yutqazgani uchun boshpanaga tushib qoldi.
"Bu odam juda og‘ir ahvolda edi - u kasal edi, u ham oilasini va nevaralarini juda sog‘inardi", deb eslaydi direktor.
U uch oy davomida “Mehribonlik uyi”da yashadi. Keyin uni bo‘lib o‘tgan voqealardan xabari bo‘lmagan jiyani olib ketgan.
Boshpana besh yil ichida ikkita og‘ir inqirozni boshdan kechirdi. Bu boshpanada o‘nlab kishilarning hayotiga zomin bo‘lgan COVID-19 pandemiyasi hamda 2023-yil yanvaridagi anomal sovuq.
"Bizda hali ham yaxshi insonlar bor! Shunday odamlar, qizlar, yigitlar, shunday oilalar borki, ular doim bu yerga kelib yordam berishadi, o‘zlari taom tayyorlashadi", dedi u.
Bugungi kunda uyidan ayrilgan odamlar qanday yashamoqda, nega ular hech kimga ishonmaydilar, boshpanada er-xotinlar bormi va nega direktor Mehribonlik uyiga qaytgan - bu va yana ko‘p narsalar haqida Sputnik muxbiri bilan suhbatda.