TOShKENT, 8 avg — Sputnik. AQSh davlat kotibining o‘rinbosari vazifasini bajaruvchi Viktoriya Nulandning Nigerga tashrifi samarasiz bo‘ldi va inqirozni hal qilishga ko‘maklashmadi. Bu haqda Fransiyaning RFI radiostansiya xabarida aytilgan.
Avvalroq Nuland jurnalistlarga Nigerga tashrif buyurgani va harbiylar vakillari bilan uchrashganini ma’lum qilgan edi. Uning so‘zlariga ko‘ra, “muzokaralar juda oshkora va ba’zan juda murakkab bo‘lgan”.
RFI xabariga ko‘ra, tashrif samarasiz bo‘lgan, chunki Amerika rasmiysi na hukumatdan chetlashtirilgan mamlakat prezidenti Muhammad Bazum bilan, na isonchilar yetakchisi Abdurahmon Tchiani bilan uchrashishga muvaffaq bo‘lgan. Bu diplomatik tashrif inqirozni hal qilish uchun asos ham yaratmagan.
Radio Nulanddan oldin Nigerga Mali vaziri Abdulaye Maiga hamda Burkina-Faso delegatsiyasi tashrif buyurganini eslatgan.