TOShKENT, 25-iyul — Sputnik. Kecha tunda "Qamchiq" dovoni hududida yuk transport vositasi avtomobil yo‘l chetiga ag‘darilib ketdi. Bu haqda Yo‘l harakati xavfsizligi xizmati xabar berdi.
Qayd etilishicha, 24-iyul kuni soat 17:30 larda "Qamchiq" dovoni hududidan o‘tuvchi A-373 avtomobil yo‘lining 243-kilometrida "Sinotruk Howo" rusumli yuk transport vositasining haydovchisi boshqaruvni yo‘qotganligi sababli avtomobil yo‘l chetiga ag‘darilgan.
Qamchiq dovonida yuk transport vositasi ag‘darilib ketdi
© Slujba bezopasnosti dorojnogo dvijeniya
Favqulodda vaziyatlar vazirligi ma’lum qilishicha, "DAF" rusumli yuk avtomashina haydovchisi ehtiyotsizligi oqibatida yo‘l o‘rtasida qaychi usulida to‘xtab qolgan, natijada yoqilg‘isi oqib ketgan.
Uning ortidan kelayotgan "CIMC" rusumli qurilish mahsuloti tashishga mo‘ljallangan avtomashina toyib ketib yo‘l chetidagi xandaqqa tushib ketgan.
Haydovchiga amaliy yordam ko‘rsatilishi vaqtida qisqa tirbandlik yuzaga kelgan. Tan jarohati olgan yoki vafot etganlar yo‘q.