TOShKENT, 25-iyul — Sputnik. O‘zbekiston va Qirg‘iziston milliy gvardiya maxsus va muhandis-sapor bo‘linmalari Issiqko‘lda o‘quv mashg‘ulotlarini boshlashdi. Bu haqda Sputnik Qirg‘iziston mamlakat Qurolli kuchlari Bosh shtabi matbuot xizmatiga asosan xabar berdi.
Xabarda aytilishicha, 23-iyul, yakshanba kuni ikki mamlakat milliy gvardiyasi maxsus kuchlari va muhandis-sapor bo‘linmalari bilan qo‘shma maxsus-taktik mashg‘ulotlar hamda treninglar tantanali ochilishi bo‘lib o‘tdi.
O‘zbekiston maxsus kuchlari Issiqko‘lda harbiy mashqlarda qatnashmoqda
© Foto / press-slujba Generalnogo shtaba VS KR
Mashg‘ulotlar 2-avgustga qadar 20636-sonli harbiy qismning o‘quv markazida (“Edelveys“) o‘tkaziladi.
O‘zbekiston maxsus kuchlari Issiqko‘lda harbiy mashqlarda qatnashmoqda
© © Foto / press-slujba Generalnogo shtaba VS KR
“Harbiy xizmatchilarimiz hafta davomida o‘zbekistonlik hamkasblari bilan maxsus bo‘linmalarni tayyorlash masalalarini ishlab chiqadi. Rejaga ko‘ra, maxsus taktik, hujum, tog‘ tayyorgarligi va boshqa yo‘nalishlar bo‘yicha qo‘shma mashg‘ulotlar o‘tkaziladi. Shuningdek, muhandis-sapor bo‘linmalari uchun maxsus tayyorgarlik bo‘yicha o‘quv mashg‘ulotlari tashkil etiladi”, — deyilgan xabarda.
Sovmestnie ucheniya podrazdeleniy spesnaza i saperov Uzbekistana i Kirgizstana na Issik-Kule
© Foto / press-slujba Generalnogo shtaba VS KR
Bundan oldin O‘zbekiston va Qozog‘iston harbiylari birgalikda harbiy mashg‘ulotni o‘tkazishgandi.