TOShKENT, 7-iyul — Sputnik. Toshkentda 6-yil davomida o‘zbek tilini o‘rganib, ilmiy izlanish olib borgan xitoylik tadqiqotchi dissertatsiyasini o‘zbek tilida himoya qildi. Bu haqda Oliy ta’lim, fan va innovatsiyalar vazirligi xabar berdi.
Xabarga ko‘ra, xitoylik tadqiqotchi Da Chjensin Toshkent davlat o‘zbek tili va adabiyot universitetida 6-yil davomida o‘zbek tilini o‘rgangan.
U ilmiy izlanish olib borib, “O‘zbekcha va xitoycha maqollarning lingvistik tadqiqi” mavzusidagi dissertatsiyasini o‘zbek tilida himoya qildi.
Xitoylik tadqiqotchi Da Chjensin dissertatsiyasini o‘zbek tilida himoya qildi
Da Chjensin ilmiy ishini yozish jarayonida o‘zbekcha-xitoycha lug‘at tayyorladi. Bu lug‘atdan 3 mlndan ortiq so‘z va so‘z birikmasi, shundan 3754 ta maqol joy olgan.
Lug‘at o‘zbek tilini o‘rganmoqchi bo‘lgan xitoylik va xitoy tilini o‘rganmoqchi bo‘lganlar, tarjimonlar uchun juda katta manba sifatida e’tirof etildi.
Aytilishicha, u sentabr oyidan boshlab, Xitoyning mashhur Shanxay chet tillari universitetida talabalarga o‘zbek tilidan dars beradi, o‘zbek tilining, o‘zbek madaniyati va adabiyotining Xitoydagi faol targ‘ibotchisi va vakili bo‘ladi.