TOShKENT, 27-iyun — Sputnik. Qurbon hayitini nishonlash kunlari poytaxt bozorlari odatdagi tartibda ishlaydi. Bu haqda Sputnik muxbiriga Toshkent hokimligi matbuot xizmati xabar berdi.
“Poytaxtdagi dehqon bozorlari ushbu uzoq dam olish kunlarida odatdagidek ishlaydi”, — dedi hokimlik Sputnik muxbiriga.
Bundan tashqari, “Ippodrom” kiyim-kechak bozori ham, odatdagidek, dushanba kunidan tashqari ishlaydi.
Ertaga, 28-iyun kuni, O‘rikzor bozori ishlamaydi, Qurbon hayitini nishonlashning qolgan kunlarida ishlaydi.
Eslatib o‘tamiz, O‘zbekistonda bu yil Qurbon hayiti 28-iyun kuni nishonlanadi. O‘zbekistonliklar bayram munosabati bilan ketma-ket 5 kun dam olishadi.