TOShKENT, 23-iyun — Sputnik. O‘zbekistonning Namangan hamda Tojikistonning So‘g‘d viloyatlari o‘rtasida yo‘l xaritasi imzolandi, deya xabar berdi Namangan viloyat hokimligi.
Viloyat hokimi Shavkatjon Abdurazakov boshchiligidagi delegatsiya Tojikiston viloyatining So‘g‘d viloyatida bo‘lib turibdi.
© Xokimiyat Namanganskoy oblasti
So‘g‘d viloyati raisi Rajabboy Ahmadzoda hamda Namangan viloyati hokimi Shavkatjon Abdurazakov o‘rtasi bo‘lib o‘tgan tor doiradagi uchrashuvda yo‘l xaritasi imzolandi. Hujjat ikki viloyatlar o‘rtasidagi ijtimoiy-iqtisodiy, savdo-sotiq, turizm, madaniyat va qayta tiklanuvchi energiya sohasidagi hamkorliklarni yo‘lga qo‘yishni nazarda tutadi.
© Xokimiyat Namanganskoy oblasti
Delegatsiya 30 dan ortiq turli soha vakillaridan iborat bo‘lib, ular So‘g‘d viloyati bilan o‘zaro hamkorlikni rivojlantirish bo‘yicha muzokaralar, shuningdek, “Savdo va investitsiya imkoniyatlari - hamkorlik istiqbollari” mavzusidagi xalqaro forumda ishtirok etishmoqda.