TOShKENT, 8-iyun — Sputnik. Sochida bo‘lib o‘tayotgan "Yevroosiyo — bizning uyimiz" ko‘rgazmasi doirasida "AvtoVAZ" konserni "Lada Vesta"ning yangi modelini taqdim etdi. RIA Novosti xabariga asosan.
"Lada Vesta Aura" — bu "Lada Vesta"ning 25 sm ga uzaytirilgan versiyasi bo‘lib, uning orqa o‘rindig‘ida joy ancha kengaygan. Ushbu model birinchi navbatda amaldorlar va turli davlat tuzilmalari uchun foydalanishi mumkin, dedi jurnalistlarga avtokonserni rahbari Maksim Sokolov.
Xabarda aytilishiga ko‘ra, avtomobil 122 ot kuchiga ega, 1,8 litrli dvigatel, avtomatik uzatish qutisi bilan jihozlangan. Shuningdek, uning saloni ikki xil rangda sifatli ishlangan. Avtomobil zavoddan yuqori sifatli audiosistema bilan jihozlanadi. Rossiya ixtisoslashgan OAVari xabariga ko‘ra "Lada Vesta Aura"ning narxi taxminan 2 mln rubl (25 000 dollar) atrofida bo‘lishi kutilmoqda.
Sokolovning aytishiga ko‘ra, "AvtoVAZ" davlat idoralarining yangi modelga bo‘lgan talabiga umid qilmoqda. Shuningdek, kompaniya avtomobil yuqori darajada mahalliylashtirilgan bo‘lishini hamda uni nafaqat to‘g‘ridan-to‘g‘ri sotib olish, balki undan lizing, ijara va transport xizmatlari ko‘rsatish shaklida ham foydalanish mumkin bo‘ladi.
Osmotr glavami delegatsiy vistavki "Yevraziya - nash dom"
© Fotoxost-agentstvo RIA Novosti
/ Sochidagi ko‘rgazmada, shuningdek, Qozog‘iston va O‘zbekiston bilan birgalikda ishlab chiqarilgan "AvtoVAZ" mahsulotlari ham taqdim etildi. Masalan, "Lada Granta", "Lada Vesta SV Kross" kabi. 2021-yilda Qozog‘istonning Kostanay shahridagi "SariarkaAvtoProm" MChJ korxonalarida "Lada" avtomobillarini ishlab chiqarish yo‘lga qo‘yildi. 2022-yil oxirida 6000 dan ortiq "Lada" avtomobillari yig‘ildi. Jizzax shahrida 2021-yilda "Lada X-ray Cross", "Lada Largus", "Lada Vesta SV" avtomobillarini yirik uzelli yig‘ish yo‘lga qo‘yilgan edi.