TOShKENT, 5-iyun — Sputnik. “Uzbekistan Airways” aviakompaniyasi Toshkentdan Grozniy shahriga muntazam parvozlarni yo‘lga qo‘yadi. Bu haqda O‘zbekiston Transport vazirligi matbuot xizmati xabar berdi.
Ma’lum qilinishicha, Checheniston poytaxtiga muntazam parvozlar 6-iyundan boshlanadi.
Aviaqatnovlar haftasiga ikki marta, dushanba/seshanba va payshanba/juma kunlari (ortga qaytuvchi resylar keyingi kunga o‘tadi) amalga oshiriladi.