TOShKENT, 3-may — Sputnik. Ukraina armiyasi yaqin haftalarda qarshi hujumga o‘tadi. Bu haqda AQSh Davlat kotibi Entoni Blinken Fox News telekanaliga bergan intervusida ma’lum qildi, deya xabar berdi RIA Novosti.
"Biz bilamizki, ukrainaliklar yaqin haftalarda qarshi hujumni o‘tkazishni ko‘rib chiqmoqda. Ko‘ramiz, unda nima yuz beradi", - dedi diplomat.
Eslatib o‘tamiz, avvalroq AQSh shtab boshliqlari qo‘mitasi rahbari general Mark Milli Ukrainadagi mojaro 2023-yilda tugamasligini taxmin qilgandi. Uning fikricha, tomonlarning siyosiy maqsadlariga erishish qiyin vazifa bo‘ladi.