TOShKENT, 20 apr — Sputnik. Chorshanba kuni internetda Kiyev osmonida yorqin chaqnash aks etgan video paydo bo‘ldi. Bu haqda RIA Novosti xabar berdi.
Kiyev shahar harbiy ma’muriyati rahbari Sergey Popko hodisani “NASA kosmik sun’iy yo‘ldoshining Yerga qulashi natijasi” deb atadi.
AQSh kosmik agentligi RIA Novostiga bergan izohida bu ma’lumotni rad etdi.
O‘z navbatida, Vladimir Zelenskiy idorasi rahbari Andrey Yermak o‘zining Telegram-kanalida Kiyevdagi sirli chaqnash Ukraina havo mudofaasining natijasi ekanligini aytdi, biroq tez orada xabarni o‘chirib tashladi.
Ukraina qo‘shinlari Harbiy havo kuchlari qo‘mondonligi maslahatchisi Yuriy Ignat Kiyev uzra sun’iy yo‘ldosh yoki meteorit qulaganini taxmin qilib, “ma’lumotlarga aniqlik kiritilayotganini” qo‘shimcha qildi.