TOShKENT, 12 apr — Sputnik. Referendumda muddatidan oldin ovoz berish ish kunlari soat 9:00, dam olish kunlari esa soat 12:00 dan boshlanadi. Bu haqda Markaziy saylov komissiyasining majlisida ma’lum qilindi.
Qayd etilishicha, 19-aprel kuni referendumda muddatidan oldin ovoz berish jarayoni boshlanadi. Jarayon 26-aprel kuni yakunlanadi.
“Referendum uchastkasida muddatidan oldin ovoz berish vaqti ish kunlari soat 9:00 dan soat 18:00 ga qadar, dam olish va bayram kunlari soat 12:00 dan soat 16:00 ga qadar bo‘lib o‘tadi”, deydi MSK kotibi Xudoyor Mamatov.
Eslatib o‘tamiz, O‘zbekiston Konstitutsiyasiga oid referendum 30-aprel – yakshanba kuni o‘tkaziladi.