Vishinskiy BMTda Ukrainani qamrab olgan rusofobiya haqida gapirib berdi

21:20, 14-Mart 2023
© Sputnik / Vladimir Trefilov
/
Mediabankka o‘tish
Rossiyalik jurnalist BMT Xavfsizlik Kengashida ruslarga nisbatan ochiq nafrat va rusofobiya avj olayotgani haqida aniq misollari bilan nutq so‘zladi.
Sputnik
TOShKENT, 14-mart – Sputnik. Russia Today media guruhi ijrochi direktori Kirill Vishinskiy BMT Xavfsizlik Kengashi yig‘ilishida so‘zlagan nutqida Ukrainadagi rusofobiya haqida gapirdi va bunga aniq misollar ham keltirdi. Bu haqda RIA Novosti xabar bermoqda.
Jurnalist o‘tgan yil davomida Ukraina telekanallari efirida yangragan rusofob va g‘ayriinsoniy chaqiriqlarni birma-bir esga oldi:
"24-kanal" jurnalisti Faxrudin Sharafmal efirda “ruslarning oilasi va farzandlarini yo‘q qilib, ulardan qasos olishga chaqirdi”, - deya misol keltirdi Vishinskiy.
Ukrainalik shifokor va “Mobil kasalxona” loyihasi rahbari Gennadiy Druzenko asirga olingan rus askarlarini kastratsiya qilishga (bichish) chaqirgan edi.
Jurnalist, shuningdek, "ijtimoiy reklama" aks etgan videoga alohida e’tibor qaratdi - unda an’anaviy ukrain ko‘ylagi va gulchambar kiygan qiz o‘roq bilan rus askarining tomog‘ini kesib tashlagani aks etgan. “Endi biz qonli hosilimizni yig‘ayapmiz. Hammangizni o‘lim kutmoqda!", - degan ushbu ayol.
“Va bu bayonotlar bugun amaliyotga tatbiq etilmoqda – buni rossiyalik harbiy asirlarning qatl etilishidan, asirlikda ularga nisbatan g‘ayriinsoniy munosabat natijalaridan, rusiyzabon Donbassdagi tinch aholining o‘qqa tutilishidan ko‘rish mumkin”, — dedi Vishinskiy.
Bundan tashqari, rossiyalik jurnalist Oliy Radada ro‘yxatga olingan qonuniy hujjat loyihasiga e’tibor qaratdi. Unda Rossiyadagi siyosiy rejimni davlat darajasida "rashizm" deb atash taklif qilinganiga e’tibor qaratdi.
Uning so‘zlariga qaraganda, Ukrainada o‘ylab topilgan ushbu tushuncha Rossiya va rus xalqiga nisbatan ochiq nafrat uyg‘otishga qaratilgan.
Vishinskiyning aytishiga ko‘ra, ruslarga nisbatan nafrat va yolg‘on bugun Ukraina chegaralaridan chiqib, Yevropa Ittifoqi davlatlarida ham tarqamoqda. Xususan, 2022-yil mart oyida Polsha bosh vaziri Moraveskiy “rusofobiya bugungi kunda allaqachon asosiy oqimga aylangani va biz (Polsha va Yevropa siyosatchilari) uni dalil sifatida qabul qilinmiz" deb ta’kidlagan edi.
Kirill Vishinskiy

Rossiya prezidenti huzuridagi Inson huquqlari kengashi a’zosi, “Rossiya segodnya” ijrochi direktori va jurnalist.

Vishinskiy Ukrainaning Dnepropetrovsk shahrida tug‘ilgan. 2000-yillardan u Ukrainaning 11-kanal va ICTV telekanallarida ishlagan, "Ko‘cha televideniyesi" teleloyihalarining muallifi, Dmitriy Kiselov bilan birga "Podrobno" dasturi va axborot xizmatining bosh muharriri bo‘lgan.

2006 yildan 2014-yilgacha u "Rossiya-1" telekanalida "Vesti" dasturida jurnalist bo‘lgan. 2014-yilda Ukrainadagi davlat to‘ntarishidan keyin u "RIA Novosti Ukraina" portalini boshqargan.

2018 yilning 15-may kuni Ukraina Xavfsizlik xizmati “RIA Novosti Ukraina” axborot agentligi xodimlariga qarshi operatsiya o‘tkazib, uning Kiyevdagi markaziy ofisida va bir nechta jurnalistlarning xonadonlarida tintuv o‘tkazadi va Vishinskiyni "davlatga xiyonat qilishda" gumon qilib hibsga oladi. Hech qanday dalil va aniq ayblovlarsiz Vishinskiy 2019-yil 28-avgustiga qadar Ukraina qamoqxonasida ushlab turiladi.

DunyodaKirill VishinskiyBMTinson huquqlari bo‘yicha kengashnutqnutq so‘zladiUkrainarus tiliRossiya