TOShKENT, 13 mar — Sputnik. Amerikalik harbiylar taqiqlangan terrorchi tashkilot “Islom davlati”* jangarilarini “Demokratik Suriya kuchlari” (DSK) ko‘ngillari qamoqlaridan Suriya shimoli-sharqidagi o‘z bazalariga ular jangovar tayyorgarligini o‘tkazish uchun ko‘chirmoqda. Bu haqda Suriya davlat agentligi SANA mahalliy manbalarga tayangan holda xabar bermoqda.
“Amerika istilochi kuchlarining harbiy vertolotlari bortida IShID* jangarilari guruhi bilan uchib ketdi va Shaddadi shahri va El-Omar koni hududidagi o‘zining noqonuniy bazalariga yo‘l oldi”, - deyilgan xabarda.
Shuningdek, manbalar terrorchilar bo‘lgan vertolotlar qamoqxonadan AQSh armiyasi va DSK ko‘ngillari bilan birgalikda nazorat qilinayotgan harbiy obyektlar tomon uchish ketishganiga e’tibor qaratishgan.
Ta’kidlanishicha, jangarilarni Amerikaning bu bazalarida o‘qitish ularni tayyorlash va Amerikaning boshqa At-Tanf bazasiga jo‘natish doirasida o‘tkaziladi.
Fevral oyida Rossiya tashqi razvedka xizmati AQSh o‘zining At-Tanf bazasida jihodchi terrorchilarni Rossiya va MDHning boshqa mamlakatlarida terakt sodir etish uchun tayyorlayotganini xabar qilgandi.
AQSh Qurolli kuchlari Suriyaning shimoli va shimoli-sharqidagi Deyr-az-Zor, Al-Xaseke i Rakka provinsiyalaridagi hududlarni noqonuniy nazorat qiladi. U yerlarda Suriyaning eng yirik neft konlari joylashgan.
Rasmiy Damashq bir necha bor amerikalik harbiylarning o‘z hududida bo‘lishini bosqin deb atagan. Amerika maqsadi Suriya neftlarini o‘marish ekanini ta’kidlab keladi.
*O‘zbekiston , Rossiya va qator davlatlarda taqiqlangan terrorchilik tashkiloti