TOShKENT, 22 fev — Sputnik. Amerikalik tadbirkor Ilon Mask AQSh davlat kotibi o‘rinbosari Viktoriya Nulandni Ukraina mojarosining avj olishida aybladi. Bu haqda RIA Novosti yozmoqda.
Nuland Qrimdagi Rossiya bazalarining Ukraina uchun nishon sifatida qonuniyligi haqida aytgan edi.
“Hech kim bu urushni Nulanddan ko‘ra kuchliroq oldinga siljitayotgani yo‘q”, - deb yozdi Mask ijtimoiy tarmoqdagi sahifasida.
Nuland avvalroq Amerika Qo‘shma Shtatlari Ukrainaning Qrimdagi harbiy obyektlarga zarba berishini qo‘llab-quvvatlashini aytib, ularni “qonuniy nishonlar” deb atagan edi. Uning so‘zlariga ko‘ra, agar Qrim “kamida demilitarizatsiya qilinmasa” Ukraina xavfsizlikda bo‘lmaydi.
Bir kun avval AQShning sobiq prezidenti Donald Tramp Nulandni “Ukrainani NATO tomon itarish bilan band” dedi hamda uni va AQSh isteblishmentining boshqa vakillarini qarama-qarshilikka intilayotganlikda aybladi.
24 fevraldan beri Rossiya Ukrainada maxsus harbiy operatsiya o‘tkazmoqda. Rossiya prezidenti Vladimir Putin uning maqsadini “sakkiz yil davomida Kiyev rejimi tomonidan tahqirlangan va genotsidga uchragan odamlarni himoya qilish” deb atagan. Qurolli kuchlar oldida Donbassni ozod qilish va Rossiya xavfsizligini kafolatlash vazifasi turibdi.